登錄站點

用戶名

密碼

最強香港麻雀教學 - 精雀門

  • 分享

    香港麻將教學 | 麻雀基本功001 - 打花章 |

    14麻Luck佬 2011-05-24 02:42

    香港麻將教學

    問我打麻雀的人,十個有九個半都係問點打"花章",即係玩清一色

    好奇怪有幾多人當一手都係同一隻子時,平時幾冷靜都好,都會開始發癲!! 大叫大嚷,將D牌插黎插去 ....

    盲既都知你做大野啦!! 只有等食自己!

     

    實情有一手靚牌應該高興至係,只要有D技巧去處理,其實不難應付!!

    就用返上次鋪牌,如果我打幾張牌後已經有上面依手牌,我可以話我的對手有超過八成輸比我!! 現在我就同大家分享下我的習慣,大家如果覺得適合可以自己試試!!

     

    1) 有靚牌第一件事當然是計計有無糊叫先啦!

    打港式麻雀計叫糊重點是看“眼”!! 長氣D解釋一次,眼可以係本身一對在手,今次有一萬,八萬和九萬。然後除去做眼的一對後看其他牌可唔可以成叫糊牌

    舉個例: 如果一萬做眼,二三四,立即凸了一隻三萬出來,不行

    明唔明??

    第二個情況係手上有單一隻牌去等多另一隻牌做成眼。例子有三四五六萬,其他牌各自埋堆,你就係叫緊三和六萬!

    上面鋪牌眼多到要打,唔洗度都知第二個情況無可能!!

     

    2) 看邊隻凸章

    如果無糊叫,我通常立即看邊隻凸章,然後將凸章的牌單獨拿在手中!! 咁做我認為有兩個好處:

    A) 預定一隻牌打可以加快速度,一摸到叫糊好牌即刻有牌打,唔洗再度黎度去

    B) 有隻牌係手轉下鏗下可以減下壓 (當然平時無事都係咁做啦!!)

    上面鋪牌我會扣起隻“八萬”點解???

    先指聲明凸章並不一定是完全無用,只不過它和其他牌配合較少!! 而 “凸章”對些新手可能有D難明,我常試解比大家聽

    一看上去一至七萬同氣連枝,只剩八萬九萬。如果扣起九萬,七八九多隻八萬完全無用!!!

    如果扣上起八萬,七八九九成好形,好好多。八萬呼之欲出!!

     

    3) 想想嘜野牌最好叫

    上面鋪牌摸嘜野牌最好呢?? 正常來講摸二萬和七萬最好

    摸二萬打八萬叫三六九

    摸七萬打三萬叫一四七 (我都話不一定打八萬!! 不過打八萬的機會較高!!)

     

    4) 等運到

    等上家打牌或自己摸牌叫糊

     

    大致上流程如上,整個過程必須無聱無色地30秒內完成!! 比人知道靚一靚都無用,除非你好摸手到自己一手攪掂!!

    “叫糊”和“凸章”會之後會再獨立為大家詳細解釋, “嘜野牌最好”好個別,日後再搵D例子和大家吹吹

     

    上面講D野雖然正路但有些情況下我不會咁打,例如打多過八番十番,咁會點打?? 賣個關子先!!

     

    回復 
  • 黑白叔叔 2011-05-24 07:23
    要無聲無色,喜怒也不可給其他三家見到......這是重點之一,心理戰術。
  • 連理枝 2011-05-24 09:08
    其實我有好多問題,例如揸到咁既牌之前我地應唔應該碰牌? (當然係如果有得碰)。

    你上面就教用"眼",就可以知自己叫糊未,這部份我明白,但有什麼快的方法可以知道自己"摸嘜野牌最好呢"???  高手請指教。
  • 連理枝 2011-05-24 09:09
    我意思係有咩方法可以盡快知道自己"摸乜牌就叫乜牌呢"?
  • 麻Luck佬 2011-05-26 12:26
    做清一色要冷靜不被他人發現,要準確知道自己要嘜牌點叫糊…
    重點就係要明白「牌型」!!要講要分兩三篇再加例子講會好D,日後我一定教大家!明了後包你話「原來咁易」!
    比你想一想,如果將八萬和九萬換成一萬三萬,咁會叫嘜呢?!
  • 連理枝 2011-05-28 15:14
    麻Luck佬: 做清一色要冷靜不被他人發現,要準確知道自己要嘜牌點叫糊…
    重點就係要明白「牌型」!!要講要分兩三篇再加例子講會好D,日後我一定教大家!明了後包你話「原來
    諗到喇,如果將八萬和九萬換成一萬三萬,前面就會變左「三文治」,叫1,2,3,4萬,之後將隻4萬俾埋「三文治」,後面5,6,7,8,9 又可以叫4,7 萬。

    所以應該會1,2,3,4,7 萬。岩唔岩?
  • 連理枝 2011-05-28 15:31
    真係要你教下我有仲有咩技巧可以睇快D,我真係認真攞副牌出黎睇你教學架。
  • 麻Luck佬 2011-05-28 23:16
    非常好,換兩隻牌後是叫1-4,7五飛。有D人諗到叫1-4萬已經用了4-5分鐘,別人可能在你諗叫糊其間已打出所有7萬了!
    要快首先要背「牌型」,你對所有「牌型」熟悉後要知「壞型」
    之後你就會明白咩係「凸章」
    明白透徹成本能反應就自然快了。其實寫上面篇野時話凸章八萬實情我度都無度過,看一眼已會覺得八萬多了,反而大家問起慢慢分析返個原因出來…
    唔緊要,我會盡快寫好「牌型篇」再盡快提昇大家速度!

插入圖片
  插入   刪除
+增加圖片 只支持 .jpg、.gif、.png為結尾的URL地址