登錄站點

用戶名

密碼

麻Luck日記之麻雀大迷信1

16已有 1810 次閱讀  2011-06-10 00:50   標籤麻雀 

麻雀技術固然要懂,但另一元素 "運氣"也絕不可少,有時甚至都幾花心機!現在為大家舉個雀友一般認為邪門的例子或增加運氣的方法,看看大家知唔知!

 

「三娘教子」局

邪門程度:1

 

即係三個女士對一個男士,一般覺得男士實有損失!

我個人就覺得無嘜特別,因為我十鋪裡有六七鋪係「三娘教子」局 (始終三娘容易找過三郎),贏輸和一般牌局差不多。不過就煩D,正所謂「三個女人一個墟」,道行少D都頂唔順D音波功。

 

十摸九便宜,唔好亂上牌

邪門程度:5

 

細個時候每次開局幾Round就上牌一定會比我老媽 照肺,她總會話 咁樣打牌打十年都無用啦!當時我唔會理會,有得上唔上怕之後無得上。

但隨住年紀漸長,打牌閱歷多左,我開始明白到摸牌的重要性

諗返轉頭,可能現在摸牌上牌有道,所以能夠保持高勝率。

提醒大家,除非一上手已經夠將叫糊,在開始時不要胡亂上牌,日後機會還多得很!

 

有糊食唔食/打出唔食博自摸,結果輸番俾人

邪門程度:8

 

正所為「有得食唔食,罪大惡極!」係好多人都知的道理!贏錢變輸錢當然有損運氣。但點解仲要咁搏?等我這個過來人和大家解釋下。有時鋪牌好靚,唔駛點理都自動叫三、四番糊(例如突了兩隻番子眼的混一色)在開局階段發生,人地打出,得果三番!有點食之無肉吧!又或者好靚的清一色四、五飛,中局時段而其他人又不是大牌,機會多的是,人地打出緊係唔食啦!但往往意外就會發生

我選得要搏大D,就當然有好多客觀因素支持啦!但機會微並非無機會,死起上黎有條路。 搏一搏,涸一涸之後又真係幾黑。所以呢要搏就要有送死的勇氣!

 

得饒人處且饒人之後放虎歸山

邪門程度:8

 

和有糊唔食等自摸之後食唔出一樣咁邪!所以和豬肉” (Luck專用名詞﹕熟到爛的朋友)打時,我就唔諗住贏!打個和或都輸少少也無問題。要找使費就找安格斯牛” (Luck專用名詞﹕半生熟的朋友) 贏了大家唔會有心病!唔需要 饒人,手起刀落便是!

 

迷信野打雀多的是,今日暫時說到這裡,下次繼續!

分享 舉報
分享按鈕

發表評論 評論 (8 個評論)

  • 黑白叔叔 2011-06-10 03:02
    好有同感,尤其三娘教子......佢地發"陰波功",又陰,又波,
    你都唔知顧得邊樣,仲唔戰死沙場???
  • 世嘉好強 2011-06-10 08:27
    好有趣!
  • 飛妃 2011-06-10 16:12
    勁,全中!
  • 飛妃 2011-06-10 16:13
    最後個8LV,應該升到10LV~仲邪過搏自摸~哈哈~~~所以我唔打牌已經N年~
  • 連理枝 2011-06-10 18:25
    "得饒人處且饒人之後放虎歸山" - 這個最岩呀。仲有另一個情況,就係有時手順,人地打出唔想食佢,點知就係咁輸番.... 真係放虎歸山
  • 麻Luck佬 2011-06-11 00:24
    落場無父子,謹記不要婦人之仁,如果唔係死得好慘…
  • 麻Luck佬 2011-06-11 22:41
    連理枝: "得饒人處且饒人之後放虎歸山" - 這個最岩呀。仲有另一個情況,就係有時手順,人地打出唔想食佢,點知就係咁輸番.... 真係放虎歸山
    所以要在中立場和安格斯牛打,純技術與運氣的教量,唔會有傷感情的顧慮!
  • pwc1936 2011-06-14 01:38
    I AM SUPPORTING YOU .